Сургуулийн өмнөх насны хүүхдүүдийг зам тээврийн осол, хэргээс урьдчилан сэргийлэх, замын хөдөлгөөний дүрмийн анхан шатны мэдлэг олгох, хөдөлгөөнд соёлтой оролцох дадлыг багаас нь зөв эзэмшүүлэх чиглэлээр Говь-Алтай аймгийн Есөнбулаг сумын Гэмт хэргээс урьдчилан сэргийлэх ажлыг зохицуулах салбар зөвлөл Цагдаагийн газартай хамтран 12 цэцэрлэгийн хүүхдүүдийн дунд “Замын хөдөлгөөний цагаан толгой” тэмцээнийг зохион байгууллаа. Тэмцээнд Есөнбулаг сумын 12 цэцэрлэгээс багууд оролцож Тэргүүн байрт - 4 дүгээр цэцэрлэгийн Ц.Номуулан ахлагчтай “Гарц” баг, Дэд байрт – Хантайшир-Өргөө цэцэрлэгийн А.Сод-Эрдэнэ ахлагчтай “Бяцхан тас 161” баг, Гутгаар байрт - 6 дугаар цэцэрлэгийн Т.Анужин ахлагчтай “Сонор” баг тус тус шалгарч Өргөмжлөл, алт, мөнгө, хүрэл медаль, мөнгөн шагналаар шагнаж, оролцсон бүх хүүхдүүдэд гарын бэлэг гардууллаа. Уран зохицуулагчаар: 6-р цэцэрлэгийн “Сонор” багийн зохицуулагч Т.Анужин шалгарлаа.